us bewafa ka shahar hai aur ham hain dosto
ashk-e-rawan ki nahar hai aur ham hain dosto

sham-e-alam dhali to chali dard ki hawa
raton ka pichla pahar hai aur ham hain dosto

ankhon main ur rahi hai luti mahfilon ki dhul
ibrat bara-e-dahar hai aur ham hain dosto

ye ajnabi si manzilen aur raftagan ki yad
tanhaiyon ka zahar hai aur ham hain dosto

Leave a Reply

Content Protected Using Blog Protector Plugin By: Make Money.